ބައިނަލްއަޤްވާމީ ބަޔޯޑައިވަރސިޓީ ދުވަސް ފާހަގަކުރުމުގެ ގޮތުން ޒުވާނުންގެ މަޝްވަރާ ބައްދަލުވުމެއް ބާއްވައިފިއެވެ. މި އަހަރުގެ ތީމްއަކީ "ގުދުރަތާ އެއްހަމައެއްގައި އަދި ދެމެހެއްޓެނިވި ގޮތެއްގައި ދިރިއުޅުން" ކަމަށްވާއިރު، މި ބައްދަލުވުމުގައި ޒުވާނުންނަށް އެމީހުންގެ ޚިޔާލުތައް ހިއްސާކުރުމުގެ ފުރުސަތު ލިބިގެން ދިޔައެވެ.

މި އިންޓަރެކްޓިވް ސެޝަންގައި ޒުވާނުން އެމީހުންގެ ޚިޔާލުތައް ބަދަލުކޮށް، އިންސާނުން ގުދުރަތާ އެއްހަމައެއްގައި ދިރިއުޅޭނެ މުސްތަޤުބަލެއް ތަސައްވަރުކޮށް، އަދި މިކަން ޙާޞިލުކުރުމަށް އަޅަންޖެހޭ ފިޔަވަޅުތަކާ މެދު މަޝްވަރާކުރިއެވެ. މީގެ އިތުރުން، ދިވެހިރާއްޖޭގެ ޤުދުރަތީ މުއްސަނދިކަން ދެމެހެއްޓުމަށް ޒުވާނުންނަށް ކުރެވިދާނެ ކަންތައްތަކާ މެދުވެސް މަޝްވަރާކުރެވުނެވެ.

ބައްދަލުވުމުގައި ވާހަކަދެއްކެވި އެއް ބައިވެރިޔަކު ވިދާޅުވީ، "މިފަދަ ބައްދަލުވުންތަކަކީ ވަރަށް މުހިންމު ކަމެއް. މިއީ އަޅުގަނޑުމެންގެ ޤައުމުގެ މުސްތަޤުބަލާ މެދު ވިސްނައި، އަޅުގަނޑުމެންގެ ތިމާވެށި ރައްކާތެރިކުރުމަށް އެޅިދާނެ ފިޔަވަޅުތަކާ މެދު މަޝްވަރާކުރުމުގެ ފުރުސަތެއް."

މި ބައްދަލުވުމުގައި ސަރުކާރުގެ ކަމާބެހޭ އިދާރާތަކުގެ އިސްވެރިންނާއި، ތިމާވެށި ރައްކާތެރިކުރުމަށް މަސައްކަތްކުރާ ޖަމްޢިއްޔާތަކުގެ މަންދޫބުން ބައިވެރިވެ ވަޑައިގެންނެވިއެވެ. އަދި ޒުވާނުންގެ ޚިޔާލުތަކަށް ރިޢާޔަތްކޮށް، ކުރިއަށް އޮތްތަނުގައި އަޅަންޖެހޭ ފިޔަވަޅުތަކާ މެދު މަޝްވަރާކުރެވުނެވެ.

ބަޔޯޑައިވަރސިޓީ ދުވަހާ ގުޅިގެން ބޭއްވުނު މި ބައްދަލުވުމަކީ، ދިވެހިރާއްޖޭގެ ޤުދުރަތީ މުއްސަނދިކަން ދެމެހެއްޓުމަށް ޒުވާނުންގެ ދައުރު އިތުރަށް ފުޅާކުރުމަށް އެޅޭ މުހިންމު ފިޔަވަޅެއް ކަމުގައި ބައިވެރިން ފާހަގަކުރިއެވެ.

ޓޫރިޒަމް ދާއިރާއަކީ ރާއްޖޭގެ އިޤްތިޞާދުގެ މައި ލޮލުކަމަށްވެފައި، މި ދާއިރާގައި ގިނަ ވަޒީފާގެ ފުރުސަތުތަކެއް އަބަދުވެސް އޮވެއެވެ. ނަމަވެސް ގިނަ ދިވެހިންނަށް މި ދާއިރާގައި ހުރި ފުރުސަތުތަކާ ބެހޭ މަޢުލޫމާތު ނުލިބި ދެއެވެ. މި ބޫތުން އެފަދަމަޢުލޫމާތު ފޯރުކޮށްދިނުމަށް ވަނީ ރޭވިފައެވެ.

ވީމާ، ޓޫރިޒަމް ދާއިރާގައި މަސައްކަތްކުރުމަށް ޝައުޤުވެރިވާ ފަރާތްތަކުން މި ދެ ދުވަހު އެމް.އެން.ޔޫގެ ސެންޓްރަލް އޯޑިޓޯރިއަމަށް ޒިޔާރަތްކޮށް، މި ފުރުސަތުގެ ބޭނުން ހިފުމަށް ވަނީ އިލްތިމާސްކޮށްފައެވެ.

ހަބަރު: ސަރުކާރު