އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 53 ސިކުންތު
އެމްޑީއޭ ހިންގުމާ މީދޫ ދާއިރާގެ މެމްބަރު އަހުމަދު ސިޔާމް (ސަން ސިޔާމް) ހަވާލުވެ ވަޑައިގެންފިއެވެ.
ސިޔާސީ ކަންކަމާއި ދުވަސްކޮޅަކު ދުރުގައި ހުންނެވުމަށްފަހު، އެމްޑީއޭ ގެ ލީޑަރާއި ޒިންމާތައް ހަވާލު ކޮށްފައިވަނީ އެޕާޓީގެ ކައުންސިލުން ބޭއްވި ބައްދަލުވުމެއްގައެވެ.
ސިޔާމް ދުރުގައި ހުންނެވި ދުވަސްކޮޅު އެޕާޓީގެ ކަންކަން ހިންގުން ހަވާލު ކޮށްފައިވަނީ އެމްޑީއޭގެ ޑެޕިއުޓީ ލީޑަރު އަލީ މައުރޫފާއެވެ.
ސިޔާސީ ކަންކަމުން ސިޔާމް ދުރަށް ޖެހިވަޑައިގެންފައިވަނީ ކުރިން ސަރުކާރު ހިންގި ޕާޓީ ޕީޕީއެމް އާއެކު އޮތް ކޯލިޝަންގެ މައްސަލަތަކެއް ޖެހިފައި ވަނިކޮށެވެ. ނަމަވެސް އެއިރު އެޕާޓީއިން ބުނެފައިވަނީ އޭނާ ދުރަށްޖެހި ވަޑައިގަތީ ވިޔަފާރީގެ ކަންކަމުގައި ރާއްޖެއިން ބޭރުގައި އުޅުއްވާތީ ކަމުގައެވެ.
އެމްޑީއޭގެ ކައުންސިލް މެމްބަރު އަދި މީޑިއާ ކޯޑިނޭޓަރު ސިނާން އަލީ ވިދާޅުވީ، 2019 ވަނަ އަހަރު ބޭއްވުމަށް ހަމަޖެހިފައިވާ މަޖިލިސް އިންތިހާބުގައި ހުރިހާ ދާއިރާއަކުން ވެސް އެމްޑީއޭ އިން ވާދަކުރުމަށް ކައުންސިލުން ފާސްކޮށްފައިވާ ކަމަށެވެ.
Advertisement
23 ނޮވެމްބަރ 2018