އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 59 ސިކުންތު
ކަނޑިއަކާއި ތޫނު ހަތިޔާރާއެކު އައްޑޫ ސިޓީ މަރަދޫއިން ދެ މީހަކު ހައްޔަރު ކޮށްފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ، އެދެމީހުން ހައްޔަރު ކުރީ މަރަދޫ ގައި ތޫނު ހަތިޔާރު ގެންގުޅޭ ކަމަށް ލިބުނު މައުލޫމާތަކާއި ގުޅިގެން މިއަދު މެންދުރު 11:30 ހާއިރު ފުލުހުން ހިންގި އޮޕަރޭޝަނެއްގައި ކަމަށެވެ. އެގޮތުން ކޯޓު އަމުރެއްގެ ދަށުން އެރަށުގައި ހުރި ގެއެއް ބަލައިފާސް ކުރިއިރު މިހަތިޔާރުތައް ފެނިފައިވާ ކަމަށް ވެސް ފުލުހުން މައުލޫމާތު ދެއްވާފައިވެއެވެ.
އެގެ ބަލައިފާސްކުރި އިރު ފެނިފައިވަނީ 1 ކަނޑި އާއި، 3 ވަޅި އާއި، 1 ތިލަ އާއި، އިންޖެކްޝަނެއްގެ އިތުރުން، 1 ފިޔޮއްސާއި އަދި އެއް މާސްކެވެ. މީގެއިތުރުން މަސްތުވާތަކެތި ކަމަށް ޝައްކު ކުރެވޭ އެއްޗެއް އަޅާފައިހުރި 6 ރަބަރު ޕެކެޓު ވެސް ފެނިފައިވާ ކަމަށް ފުލުހުން ބުނެފައިވެއެވެ.
މިމައްސަލައިގައި މަރަދޫއިން ހައްޔަރު ކޮށްފައިވަނީ އުމުރުން 18 އަހަރާއި 23 އަހަރުގެ މީހެކެވެ.
Advertisement
24 ޖޫން 2019