އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 56 ސިކުންތު
ވަރަށް ބޮޑަށް ހާލުދެރަވެ، މާގިނައިން ލޭ ފައިބަތީ ހުޅުމާލެ ހޮސްޕިޓަލަށް ގެންދިޔަ މާބަނޑު އަންހެނަކު ސަލާމަތްކުރަން، އެ ހޮސްޕިޓަލުގެ ފަސް ނަރުހަކާއި އާންމު މުވައްޒަފަކު ކުއްލި ހާލަތުގައި ލޭހަދިޔާ ކޮށްގެން އެއަންހެންމީހާގެ ފުރާނަ ސަލާމަތް ކޮށްފިއެވެ.
މިމަހުގެ 18 ވީ ހޮނިހިރު ދުވަހު އެ އަންހެންމީހާ ހޮސްޕިޓަލަށް ގެންދިޔަ އިރު ވެސް ގިނަ އަދަދަކަށް ލޭ ފޭބި އެވެ. ލޭ ދޭނެ މީހަކު އާއިލާ އިން ހޯދާފައި ހުއްޓަސް އޭނާ ހޮސްޕިޓަލަށް އައުން ލަސްވުމުން، އެނޫން ގޮތެއް ނެތިގެން، އެކަމަށް ކުރިމަތިލީ ހޮސްޕިޓަލުގެ ނަރުހުންނައި އެމުވައްޒިފެވެ.
ހޮސްޕިޓަލުގެ ޕަބްލިކް ރިލޭޝަންސް މެނޭޖަރު ހުސެއިން ޝާކިރު ވިދާޅުވީ ފުރަތަމަ ލޭ ހަދިޔާކުރީ އޮޕަރޭޝަން ތިއޭޓަރުގައި ތިބި ނަރުހުން ކަމަށެވެ. އޭގެ ފަހުން އަނެއް ދުވަހު ހެނދުނު އޭނާގެ ސިޒޭރިއަން ހަދާ، އައިޖީއެމްއެޗަށް ބަދަލުކުރުމާ ދެމެދު ފަސް ނަރުހަކާއި އެހެން ޑިޕާޓްމެންޓެއްގައި މަސައްކަތްކުރާ މުވައްޒަފަކު ވެސް ލޭ ހަދިޔާކުރި އެވެ.
ހުސެއިން ވިދާޅުވި ގޮތުގައި 30 އަހަރުގެ މައިމީހާ އައިޖީއެމްއެޗަށް ބަދަލުކުރި އިރު ގަޔަށް ނާޅާ ބާކީ ހުރި ހަތަރު ޕައިންޓް ލޭ ވެސް ފޮނުވި އެވެ.
އެނގިފައިވާ ގޮތުގައި އެއަންހެންމީހާގެ ގަޔަށް މުޅިއަކު 8 ޕޮއިންޓު ލޭ އަޅަން ޖެހުނެވެ. އަދި އެމީހާ މިހާރުވެސް ދަނީ އައިޖީއެމްއެޗްގެ އައިސީޔޫ ގައިފަރުވާ ހޯދަމުންނެވެ.
8 litres of blood lost in a massive haemorrhage. So proud of the nurses from Hulhumale hospital who gave their own blood to help save her.
— Zara (@zaranaseem) January 20, 2020
You won't hear about this on the news though.
Advertisement
21 ޖެނުއަރީ 2020