ކޮވިޑް 19 ގެ ނަމުން މިހާރު ނަންދީފައިވާ ކޮރޯނާ ވައިސް އިން އެޕްރިލްމަހު ސަލާމަތްވެވޭނެ ކަމަށް ތަޖުރިބާކާރުން އުންމީދުކުރާ ކަމަށް ރާއްޖޭގައި ހުންނަވާ ޗައިނާ ސަފީރު ޒާންގ ލިޒޯންގ ވިދާޅުވެއްޖެއެވެ. 

އެންމެ ގަދައަށް ފެތުރޭނީ ފެބްރުވަރީ މަހުގެ ފަހުކޮޅުގެ މެދުތެރޭގައި ކަމަށް ތަޖުރިބާކާރު ޒޯން ޒަންޝަން އާއި ޙަވާލާ ދެއްވައި ސަފީރު ވިދާޅުވެފައިވެއެވެ. 

ކޮރޯނާ ވައިރަސް ބަލި ޖެހުނުކަން މިހައިތަނަށް ޔަޤީންކުރެވިފައިވާ އަދަދަކީ 44653އެވެ. ޝައްކުގައި މިހާރު ތިބީ  16067 މީހުންނެވެ. މަރުވި މީހުންގެ ޢަދަދަކީ 1113އެވެ. ބަލިން ފަސޭހަވި މީހުންގެ އަދަދަކީ 4740އެވެ.