ނަމާދުގައި ސޫރަތުލްފާތިޙާ ނުކިޔެވުނު ނަމަވެސް ރަކްޢަތް ފުރިހަމަވާނެ ދެ ޙާލަތެއްވެއެވެއެވެ.

ފުރަތަމަ ޙާލަތަކީ އިމާމް މީހާ ކިޔެވިލެއް އަވަސްވެގެން މައުމޫމުންނަށް ސޫރަތުލްފާތިޙާ އެކުގައި ނުކިޔެވުމެވެ. އެޙާލަތުގައި ކިޔެވުނު ހިސާބަކަށް ކިޔަވާފައި އިމާމް މީހާ އާއިއެކު ރުކޫޢްކުރުމުން ފުދުނީއެވެ. މައުމޫންނަށް ރަކްޢަތް ލިބޭނެއެވެ. 

ދެވަނަ ޙާލަތަކީ އިމާމް މީހާ ރުކޫޢްގައިވަނިކޮށް އިޤްތިދާވެވުމެވެ. އެ ޙާލަތުގައި އަލްޙަމްދު ކިޔަވާކަށް ނުޖެހޭނެއެވެ. ޙަރަމްބަނުމަށްފަހު ރުކޫޢުކުރާނީއެވެ. 

މި ދެޙާލަތުގައިވެސް ރަކްޢަތް ލިބޭނެއެވެ. އަލުން އެ ރަކްޢަތްކުރާކަށް ނުޖެހޭނެއެވެ.

- ޑރ. މުޙައްމަދު އިޔާޟް ޢަބްދުއްލަޠީފް