މުސްލިމުންނަށް އެންމެ އޯގާތެރި ބޮޑުވަޒީރު، ޖަސިންދާ ނިއުޒިލޭންޑުގެ އާންމު އިންތިހާބު ވަރަށް ބޮޑު ތަފާތަކުން ކާމިޔާބުކުރައްވައިފިއެވެ. 

ގުނި ވޯޓުގެ އަދަދު 98 އިންސައްތައަށްވުރެ މަތިވެފައިވާއިރު ވޯޓުގެ 50 އިންސައްތަ ޢާއި ގާތްކުރާ އަދަދަކަށް އެކަމަނާގެ ލޭބަރ ޕާޓިން ވަނީ ކާމިޔާބުކޮށްފައެވެ. އިދިކޮޅު މައިޕާޓީއަށް ކާމިޔާބުކުރެވިފައިވަނީ 26 އިންސައްތައެވެ. 

ނިޔުޒީލަންޑުގެ ދެ މިސްކިތުގައި ހުކުރަށް ތިއްބައި ބަޑިިޖަހައި 50 އަށްވުރެ ގިނަ މުސްލިމުން ޝަހީދުކުރި މައްސަލައިގައި ޖަސިންދާ ވަނީ މުސްލިމުންނަށް އޯގާތެރިވެވަޑައިގަތުމުގައި މުޅި ދުނިޔެއަށް ނަމޫނާ ދައްކަވައިފައެވެ. 

މިއީ ފާއިތުވި 50 އަހަރުގެތެރޭގައި އެއް ޕާޓީއަކަށް ވެރިކަން ކުރެވޭވަރަށް ވޯޓު ކާމިޔާބުކުރެވުނު ފުރަތަމަ ފަހަރެވެ.