ކޮންމެ މީހަކު ބޭނުންހައި ގޮތަކަށް ޤާނޫނު ހަދައި ތަންފީޒްކުރަން ނުޖެހޭނެ ކަމަށާއި އެކަންކަމާއި ދެކޮޅަށް ރައްޔިތުން ސާބިތުކަމާއިއެކު މަސައްކަތްކުރުމުން މާތް ﷲ ތައުފީޤް ދެއްވަވާނެ ކަމަށް ފަޟީލަތުއްޝައިޚް އިލްޔާސް ޙުސައިން ވިދާޅުވެއްޖެއެވެ.

ޝައިޚް އިލްޔާސް ވިދާޅުވީ ޤާނޫނު އަސާސީ ނެގެހެއްޓުމަށްޓަކައި، އަދުލު އިންސާފު ޤާއިމުކުރުމަށްޓަކައި ސާބިތުކަމާއިއެކު މަސައްކަތްކުރަނިކޮށް ފުލުހުން ހައްޔަރުކޮށްފައިވާ އެންމެންނަށްވެސް ސާބިތުކަން ދެއްވެވުން އެދި ހުރިހާ ރައްޔިތުން ވެސް ދުޢާކުރަންޖެހޭނެ ކަމަށެވެ. އަދި އެމީހުންގެ ޢާއިލާތަކަށް އެހީތެރިކަން ވެސް ފޯރުކޮށްދޭންޖެހޭނެ ކަމަށެވެ.

kehtheri kamaa saabithu kamaa eku enmmen ekathigandakahve sulhaverikamaa eku kuriyah dhiumah dhivehi rayyithunah Sheikh ilyaas govalahvafi @ilyaasipa pic.twitter.com/zKfLOW7Nab

— Adhaalath Party (@AdhaalathOffice) March 15, 2018

މީގެ އިތުރުން ޝައިޚް އިލްޔާސް ވަނީ ކޮށްގެން ތިބި ހުވައާއި އެއްގޮތަށް ސާބިތުކަމާއެކު ހައްޤު ގޮތުގައި ދެމިތިބުމަށް ސަލާމަތީ ބާރުތަކަށް އިލްތިމާސްކުރައްވައިފައެވެ.

ޝައިޚް އިލްޔާސް ވިދާޅުވީ އެބޭފުޅުންނަކީ ވަރަށް މަތިވެރި ދީނީ އަދި ޤައުމީ ވާޖިބުތަކެއް އަދާކުރައްވާ ބޭފުޅުން ކަމަށާއި އެބޭފުޅުންނަށް ސިޔާސީ ގޮތުން ވަރަށް ބޮޑެތި ޕްރެޝަރުތައް ހުންނާނެ ކަމަށެވެ. ނަމަވެސް މިއަދު ފެނިގެން މިދަނީ ބޭނުންކޮށްފައި ޓިޝޫ އެއްލައިލާ ފަދައިން އެއްލައިލެވޭތަން ކަމަށެވެ. މިއީ ދެވޭ ވަރަށް ބޮޑު އަނިޔާއެއް ކަމަށާއި އެކަމާއި ދެކޮޅަށް ރައްޔިތުން ބަސް ބުނަންޖެހޭ ކަމަށެވެ.

މާލޭގައި ބޮޑެތި ކުއްޔަށް އުޅެމުންދާއިރު ކުއްލިއަކަށް ވަޒީފާއިން ވަކިކުރުމަކީ ދެވޭ ވަރަށް ބޮޑު އަނިޔާއެއް ކަމަށްވެސް ޝައިޚް އިލްޔާސް ވިދާޅުވިއެވެ.

ޝައިޚް އިލްޔާސް ވިދާޅުވީ މުންކަރާތްތައް މަނާކުރަންޖެހޭނެ ކަމަށާއި މުންކަރާތްތައް ހުއްޓުވުމާއި ދެކޮޅަށް ބަސް ބުނާނީ އެމީހެއްގެ ޒާތީ މަސްލަހަތު އޮތް ބައެއް ކަމަށެވެ.

kurehvi huvayai ehgothah gaanoon asasee ai rayyithun himayah kurumugai saabithuve thibumah dhivehi fuluhunai sifainah govalan: Sheikh Ilyaas @ilyaasipa pic.twitter.com/djvXCKGZK6

— Adhaalath Party (@AdhaalathOffice) March 15, 2018