ޗައިނާގެ ކުންމިންގައި މިއަދު ހެނދުނު ހުޅުވި ކުންމިން ފގެއަރގައި ރާއްޖޭގެ ސްޓޯލްތަކަށް ވަރަށް ބޮޑު ތަރުޙީބެއް ލިބެމުން އަންނަކަމަށް މައުލޫމާތު ލިބިއްޖެއެވެ.

ފެއަރ ހުޅުވުމުގެ ރަސްމިއްޔާތުގައި ޗައިނާ ސައުތު އޭސިއާ ބިޒްނަސް ފޯރަމްގެ ޗެއަރގެ ޙައިޞިއްޔަތުން އިޤްޠިޞާދީ ވަޒީރު މުޙައްމަދު ސަޢީދު ވަނީ ތަޤްރީރުކުރައްވައިފައެވެ.

މުޙައްމަދު ސަޢީދުގެ ތަޤްރީރަށް ވަރަށް ބޮޑު ތަރުޙީބެއް ލިބިފައިވުމުން ރާއްޖޭގެ ސްޓޯލްތަކުގެ ޑިމާންޑް އިތުރުވެގެންދާނެ ކަމަށް ބެލެވެއެވެ.

ފެއަރގައި ދިވެހިރާއްޖޭގެ ސްޓޯލް ރަސްމީކޮށް ހުޅުއްވައިދެއްވީ ރައީސުލްޖުމްހޫރިއްޔާގެ ޚާއްޞަ މަންދޫބެއްގެ ގޮތުން ޗައިނާއަށް ވަޑައިގެން ހުންނެވި ރައްޔިތުންގެ މަޖިލީހުގެ ރައީސް ޢަބްދުﷲ މަސީޙް އާއި ޗައިނާގެ ވައިސް ޕްރީމިއަރ އޮފް ސްޓޭޓް ކައުންސިލް މރ. ވާންގ އެވެ.