އަށްހާސް ސްޓޯލާއެކު ކުންމިން ފެއާރ މިއަދު ފަށައިފިއެވެ.

މިއަހަރުގެ ފެއާރގައި ރާއްޖޭގެ 4 ކުންފުންޏަކުންވެސް ވަނީ ބައިވެރިވެފައެވެ. އަދި މި ފެއާރގައި ދިވެހި ގިނައުފެއްދުންތަކެއް ބަހައްޓާފައިވާ އިރު، އެ އުފެއްދުންތައް އިޝްތިހާރުވެސް ކުރާނެއެވެ.

މި ފެއާރގައި ރާއްޖޭގެ ފަރާތުން ބައިވެރިވާ ވަފުދުގެ އިސް ބޭފުޅެއް ކަމަށްވާ އިކޮނޮމިކް މިނިސްޓްރީގެ ޑެޕިއުޓީމިނިސްޓަރ އާދަމް ތައުފީޤު ޗައިނާގައި ހުންނަވާ މިއަދުނޫހަށް ވިދާޅުވީ މިއީ ރާއްޖޭގެ ވިޔަފާރި މާރކެޓް ކުރުމަށް ލިބޭ ވަރަށް އަގުހުރި ފުރުޞަތެއް ކަމަށެވެ. އަދި ވަރަށް ގިނަ ޤައުމުތަކުން ރާއްޖޭގެ އުފެއްދުންތަކަށް ތަރުޙީބު ދެމުން އަންނަ ކަމަށެވެ.

މި ފެއާރގައި 8،000 ސްޓޯލެއް ބަހައްޓާފައިވާ އިރު، ޗައިނާގެ 20ޕްރޮވިންސަކުން ބައިވެރިވެއެވެ. އަދި ދުނިޔޭގެ 86 ޤައުމެއްވެސް ބައިވެރުވެއެވެ.