ހދ.އަތޮޅު ޤުރްއާން މުބާރާތް ޖެހިޖެހިގެން ފަސްވަނަ ފަހަރަށް ހދ.ވައިކަރަދޫއިން ކާމިޔާބުކޮށްފިއެވެ.

ހ.އަތޮޅުގެ 11 ރަށަކުން ބައިވެރިވި މި މުބާރާތުގެ އެއްވަނަ މި އަހަރު ވެސް ވައިކަރަދޫއިން ހޯދިއިރު، ދެވަނައަށް ދިޔައީ ހދ.ކުޅުދުއްފުއްޓެވެ. ތިންވަނަ ހޯދީ ހދ.ނޮޅިވަރަމެެވެ.

މި މަހުގެ 5 ވަނަ ދުވަހުން 7 ވަަނަ ދުވަހަށް ކުރިއަށްދިޔަ މި މުބާރާތުގެ ނަތީޖާ ފާޅުކުރުމަށް މިދިޔަ ހޮނިހިރު ދުވަހުގެ ރޭ ބޭއްވި ރަސްމިއްޔާތު ޝަރަފުވެރިކޮށްދެއްވީ ދިވެހިރާއްޖޭގެ ޤައުމީ ޔުނިވާސިޓީ ކުޅުދުއްފުށި ކެމްޕަސްގެ މެނޭޖަރު އިބްރާހިމް މުހައްމަދެވެ.

މުޅި މުބާރާތުން ނުބަލާ ކިޔުމުގެ ގޮފިން:

1 ވަނަ: ފައިހާ ޢަބްދުﷲ ޢަޤީލް، ފަލްކަމް ހދ.ވައިކަރަދޫ
2 ވަނަ: ފާތިމަތު ނިހާލް މުހައްމަދު، ކަސްމީރުވާދީ ހދ.ވައިކަރަދޫ
3 ވަނަ: މުހައްމަދު އައްމާރު އަހުމަދު ނާސިމް، ސްނޯރޯސް ހދ.ނެއްލައިދޫ (ކުޅުދުއްފުށި)

މުޅި މުބާރާތުން ބަލައިގެން ކިޔެވުމުގެ ގޮފިން:

1 ވަނަ: ރާޔާ އަންވަރު، ގ.ނިޔާމަ ކ.މާލެ (މަކުނުދޫ)
2 ވަނަ: އަހުމަދު އަރުޝަމް، ގުރަހާތަރި ހދ.ވައިކަރަދޫ
3 ވަނަ: މަލަކާ މުހައްމަދު ހަބީބު، ޒެންބިއާ ހދ.މަކުނުދޫ

މި މުބާރާތުގައި ވަކިވަކި އުމުރުފުރާތަކުން ވެސް ކޮންމެ ގޮތްޕަކަށް ވަނަތައް ހޮވާފައިވެއެވެ. އަދި މުޅި މުބާރާތުގައި އެންމެ ގަދަ 15 ބައިވެރިން ވެސް ހޮވައި، އެ ފަރާތްތަކާ އިނާމުތައް ހަވާލުކޮށްދީފައިވެއެވެ.