ކީރިތި ޤުރުއާނާ ބެހޭ މަރުކަޒުގެ ގޮފިތަކެއް، ހއ.ބާރަށުގައާއި އުތީމުގައި ހުޅުވައިފިއެވެ.

މި ދެ ރަށުގައި ވެސް ގޮފިތައް ހުޅުވައިދެއްވީ ކީރިތި ޤުރްއާނާ ބެހޭ މަރުކަޒުގެ ރައީސް އިބްރާހިމް ރަޝީދު މޫސާއެވެ. އެ ގޮތުން، ބާރަށުގައި ހުޅުވި ގޮފީގައި އެއްފަހަރާ 60 މީހުންނަށް ކިޔަވައިދެވޭ ދެ ކްލާސް ރޫމެއް ހުންނައިރު، އުތީމުގައި ހުޅުވި ގޮފީގައި އެއްފަހަރާ 40 މީހުންނަށް ކިޔަވައިދެވޭނެެއެވެ.

މި ދެ ރަށުގައި ހުޅުވި ގޮފިތަކާއެކު، އަތޮޅުތެރޭގައި ހިނގަމުން އަންނަ ކީރިތި ޤުރުއާނާ ބެހޭ ގޮފިތަކުގެ އަދަދު ވަނީ 32 އަށް އަރައިފައެވެ.