އެމެރިކާގެ ޓްރެޜަރީ ސެކެޓްރީ ސްޓީވަން މުޗިން ޗައިނާއަށް ރަސްމީ ދަތުރެއް ކުރަން ނިންމައިފި އެވެ.

ޗައިނާގެ ކޮމަރސް މިނިސްޓްރީން ބުނީ މި ދަތުރާއިބެހޭ މައުލޫމާތު ލިބިފައިވާ ކަމަށާއި މިދަތުރަށް ޗައިނާއިން މަރުހަބާ ކިޔާނެ ކަމަށެވެ.

ޓްރެޜަރީ ސެކެޓްރީ ޗައިނާއަށް ދަތުރެއް ކުރަން ނިންމާފައި މިވަނީ އެމެރިކާއަށް އެތެރެކުރާ ޗައިނާގެ ބާވަތްތަކުން ނަގާ އިމްޕޯޓް ޑިޔުޓީ ބޮޑުކުރުމުން ޗައިނާއިން ވެސް އެފަދަ ފިޔަވަޅެއް އަޅާފައިވާ ވަގުތެއްގައެވެ. އެމެރިކާއިން އިމްޕޯޓް ޓެރިފް ބޮޑުކުރީ އެކަން ނުކުރުމަށާއި ކޮށްފި ނަމަ ޗައިނާއިންވެސް ރައްދު ދޭނެ ކަމަށް ބުނަމުން ދަނިކޮށެވެ.