ޖަލަށް ދާން ޖެހުނަސް ނޮވެމްބަރު އެއްވަނަ ދުވަހު ރައީސް ނަޝީދު ރާއްޖެ ވަޑައިގަންނަވާނޭ ކަމަށް ވިދާޅުވެއްޖެއެވެ.

އިންޑިއާގެ މީޑިއާއެއް ކަމަށްވާ 'ދި ހިންދޫ'އަށް ދިން އިންޓަރވިއުއެއްގައި އެމަނިކުފާނު ވިދާޅުވީ ''ރާއްޖެއަކީ އަހަރެންގެ ގައުމު. ރާއްޖެ ނުދިއުމަށް އެދުމުގެ ހައްގު އެއްވެސް މީހަކަށް ލިބިގެން ނުވޭ'' ކަމަށެވެ. މީގެ އިތުރުން ޖަލަށް ވަޑައިގަތުމަށް ފަރުވާލެއްނެތް ކަން ހާމަކުރުމަށް އެމަނިކުފާނު ވިދާޅުވީ ޖަލަށް ވަޑައިގެންނެވުމަށް ތައްޔާރަށް ހުންނެވި ކަމަށެވެ. އެހެން ނަމަވެރސް ޓްރާންސިޝަންގެ ހަލަތަށް ބުރޫއަރާނަމަ އެމަނިކުފާނު ޖަލުން މިނިވަން ކުރަންޖެހި ވަޑައިގަންނަވާނެ ކަމަށް އެމަނިކުފާނު ވަނީ ވިދާޅުވެފައެވެ.

ނޮވެމްބަރު 11 ގައި ރައީސް ނަޝިދު ވަޑައިގަންނަވާއިރު، އެދުވަސް ވެގެންދާނީ ކޯލިޝަންއަށް އަދި ޙާއްސަކޮށް މޯލްޑިވްސް ޑިމޮކްރެޓިކް ޕާޓީ (އެމްޑީޕީ) އަށް ބޮޑު ދުވަހަކަށެވެ. އެހެންކަމުން އެދުވަހަށް މިހާރުވެސް އިދިކޮޅުން އަންނަނީ ހާއްސަ ތައްޔާރީތަކެއް ވަމުންނެވެ.