ސްޓެލްކޯގެ މާލޭ އިންޖީނުގެ ދައްކާލައި އިންޖިނިއަރިންގ ދާއިރާއަށް ކުޑަކުދިން ޝައުގުވެރިކުރުވުމަށް މަޢުލޫމާތުދީ، ފަންނީ ތަފާތު ތަޖުރިބާއެއް ކުރުމުގެ ފުރުޞަތާއި ހަދިޔާ ބެހުމާއިއެކު ކުޑަކުދިންގެ ދުވަސް ފާހަގަ ކުރުމަށް ޚާއްސަ ހަރަކާތެއް ސްޓެލްކޯގެ މައި އޮފީހުގައި ކުރިއަށްގެންދިއުމަށް ހަމަޖެހިފައިވާކަމަށް އެކުންފުނިން ބުނެފިއެވެ. 

ސްޓެލްކޯއިން ބުނެފައިވަނީ މާދަމާ، 10 މެއި 2024 ވާ ހުކުރު ދުވަހުގެ ހެނދުނު 8:00 ން 10:00 އަށް އަދި ހަވީރު 16:00 ން 18:00 ށް ޙަރަކާތް ކުރިއަށްގެންދިއުމަށް ހަމަޖެހިފައިވާކަމަށެވެ. އަދި މިޙަރަކާތުގައި ވީހާވެސް ގިނަ ކުޑަކުދިން ބައިވެރިކުރުވުމަކީ ސްޓެލްކޯގެ ވަރަށްބޮޑު އެދުމެއް ކަމަށެވެ.