ފެނަށް މުސްލިމުން ޖެހުނު ހިނދު، ޢުޝްމާންގެފާނު ޔަހޫދީންގެ ފެންވަޅެއް ބައްލަވައިގަނެ، ވަޤފަ ކުރެއްވެވިއެވެ. އަދި ވިޔަފާރި ޤާފިލާއެއްވެސް ބައްލަވައިގަނެ ވަޤްފް ކުރެއްވެވިއެވެ.  

މިއަދު މާސްކް ފަދަ ތަކެތި ޝަރުޢީ ޢިޒުރެއް ނެތި ކުއްލިއަކަށް އަގުބޮޑުކުރާ މީހުން، ﷲ އަށް ބިރުވެތިވެ މިކަމުން ޢިބްރަތް ޙާޞިލުކުރުން އެދެމެވެ!

- ޝައިޚް މުޙައްމަދު އަނީލް 

އެ ވިޔަފާރި ޤާފިލާ ވަޤްފް ކުރެއްވެވީ ބޭނުންފުޅު އަގަކަށް މަދީނާގެ ވިޔަފާރިވެރިންނަށް ވިއްކަވައިލެއްވެން އޮއްވައެވެ. އެމީހުން 3،4 ފަހަރުމަތިން އަގުލުފުމުން ވެސް ވިދާޅުވީ ތިއައަށްވުރެ މާބޮޑު އަގު ލިބެން އެބައޮތް ކަމަށެވެ.  

އެމީހުން ކަންބޮޑުވެ އެމީހުންނަށް ވިއްކަވައިލެއްވެވުމަށްވުރެ، ނުވަތަ އެމީހުން ހުށަހަޅާ އަގަށްވުރެ ބޮޑު އަގެއް ދޭނީ ކާކުތޯ ސުވާލުކުރުމުން ޢުޘްމާންގެފާނު ވިދާޅުވީ ﷲ ކަމަށެވެ. އެހެނީ ކޮންމެ ހެޔޮ ކަމަކަށް ﷲ ތަޢާލާ 10 ސަވާބު ދެއްވަވާނެކަން އެނގެން އޮތް އިރު އިތުރު ކުރައްވަވާނެ ވަރެއް ހަމަ އެކަކަށްވެސް ނުއެނގޭނެއެވެ.  

މިފަދަ ވާހަކަތަކަކީ އެންމެ ކުޑައިރުންސުރެ ސިޔަރަތުން އަޑުއަހާ ވާހަކަތަކެވެ. ހިތާމައަކީ ޢިބްރަތް ޙާޞިލުނުކުރެވޭ ކަމެވެ! 

Fenah muslimun jehunu hindu, Usman (RA), yahoodheenge fenvalheh ballavaigane, vaqf kurevvi. viyafaari qaafila eh ves muslimunnah waqf kurevvi.
miadhu Mask fadha thakethi, sharuee uzureh nethi, kulliakah agubodu kura meehun Allah ah biruvethive, mikamun iburaiy haasil kurun edhen. pic.twitter.com/024fWEqMYU

— Aneel (@aneelmv) February 1, 2020