ސްޓޫޑަންޓް ލޯނަށް ކުރިމަތިލުމުގެ ފުރުސަތު ހަޔާ އެޑިއުކޭޝަން މިނިސްޓްރީން ހުޅުވާލައިފިއެވެ.

ހަޔާ އެޑިއުކޭޝަން މިނިސްޓްރީން މިއަދު ބޭއްވެވި ނޫސް ކޮންފަރެންސެއްގި މިނިސްޓަރ ޑރ. މުހައްމަދު ހަސަން ވިދާޅުވީ މިފަހަރު ލޯން ދިނުމުގެ އުސޫލަށް ބޮޑެތި ބަދަލުތަކެއް ގެނެސްފައިވާ ކަމަށާއި މިލޯނަށް މިހާރު ކިޔަވަމުންދާ ކުދިންނާ އަލަށް ކިޔަވަން ފަށަން ބޭނުންވާ ކުދިންނަށް ވެސް ކުރިމަތިލެވޭނެ ކަމަށެވެ.

މިފަހަރުގެ ލޯން ސްކީމަށް 151 މިލިއަން ރުފިޔާ ވަނީ ކަނޑައަޅައިފައިވާއިރު ލޯންތައް ދޫކުރާ ދާއިރާތަކަކީ ޑިޕްލޮމާ ލެވެލް އަށް 45 ފުރުސަތު، ލައިސަންސް ޕްރޮގްރާމްތަކަށް 30 ފުރުސަތު، ފުރަތަމަ ޑިގްރީއަށް 252 ފުރުސަތު، މާސްޓާސ 126 ފުރުސަތު، ޕީއެޗްޑީ 10 ފުރުސަތު، އިންތިހާބީ ދާއިރާގެ ރައްޔިތުންނަށް 87 ފުރުސަތު އަދި މެޑިކަލް ދާއިރާއިން ސްޕެޝަލައިޒް ވުމަށް 11 ފުރުސަތެވެ.

ޖުމްލަ 550 ލޯން ފުރުސަތު ހިމެނޭ މި ލޯން ސްކީމުގައި ސަރުކާރުގެ އެކި ދާއިރާތަކުން މީހުން ބިނާ ކުރުމަށްވެސް ލޯނުގެ ފުރުސަތު ވަނީ ހުޅުވާލައިފައެވެ. އޭގެތެރޭގައި ވޯޓާ އެންޑް ސްވަރޭޖް މެނޭޖްމަންޓް، ސްވަރޭޖް މެނޭޖްމަންޓް، ކްރިއޭޓިވް ޑިޒައިން، ފިޝަރީޒް އެންޑް މެރިން ރިސޯސާސް އަދި އެގްރިކަލްޗާ ހިމެނެއެވެ.

Minister Dr Ibrahim Hassan announced the Higher Education Loan Scheme - February 2020 which includes 550 slots for students with an allocated budget of MVR 151 million. pic.twitter.com/hUqlffy1KE

— Ministry of Higher Education (@MoHEmv) February 17, 2020