އެމްޑީޕީގެ ރައީސް އަދި ރައްޔިތުންގެ މަޖިލީހުގެ ވެސް ރައީސް ރައީސް މުޙައްމަދު ނަޝީދަށް 13 މިލިއަން ޑޮލަރު ޓީއެމްއޭ އިން ދީފައިވާ ކަމަށް ނޮޅިވަރަމް ދާއިރާގެ މެންބަރު މުހައްމަދު ނަޝީދު ޢަބްދުﷲ ތުހުމަތު ކުރައްވައިފިއެވެ. 

މެންބަރު ނަޝީދު ވިދާޅުވެފައިވަނީ "އެމަނިކުފާނު މަސައްކަތް ކުރައްވަމުން ގެންދަވަނީ އެމްޑީޕީގެ މަޖިލީސް މެންބަރުންނާއި، ސަރުކާރު މެދުވެރިކޮށް އެ ވާހަކަތައް އޮއްބާލަން" ކަމަށެވެ. ގާނޫނާ ހިލާފަށް އަމަލުކުރާ މީހުންނާ ގާނޫނު އަރާ ހަމަ ކުރާނެ ދުވަސް އަންނާނެ" ކަމަށެވެ. 

TMA in @MohamedNasheed 13M $ dhin kan obbalan miadhu MDP Members lavvaa kuree sarukaaru kuree sarukaaru ey mi kiuvee... gaanoonu araa hama kuraane ekan dhannaathi. Gondi dhuvan mifaharu nufonuvaane onnan jehaynee jaluga

— Mohamed Nasheed Abdulla (@MNA_MosTaaA) February 17, 2020

"ގާނޫނު އަރާ ހަމަކުރާނެ، އެކަން ދަންނާތި، ގޮނޑި ދުއްވަން މިފަހަރު ނުފޮނުވާނެ، އޮންނަން ޖެހޭނީ ޖަލުގައި،" ރައީސް ނަޝީދަށް އިޝާރާތް ކުރައްވާ މެންބަރު ނަޝީދު ވިދާޅުވެފައިވެއެވެ. 

Mdp ga thibi rondaalin thah keki eriyas. Majilis ge kotariyakah vagah TMA board Members genes deal nahadhaa kamah nuvaane. adhi report sirru nukuraa kamah ves nuvaane....

— Mohamed Nasheed Abdulla (@MNA_MosTaaA) February 17, 2020

އޭސީސީ އިން ހާމަކޮށްފައިވާ ހިސާބުތަކަށް ބެލުމުން ޓީއެމްއޭއަށް ސީޕްލޭން ޓަރމިނަލް ދީފި ނަމަ ދިވަހިރައްޔިތުންނަށް 825 މިލިއަން ޑޮލަރުގެ ބޮޑު ގެއްލުމެއް ލިބިގެންދާނެއެވެ. އެއީ އަހަރަކު 55 މިލިއަން ޑޮލަރު ގެއްލުންވާނެއިރު 15 އަހަރުން ގެއްލުންވާނެ އަދަދެވެ. 

ޓީއެމްއޭއަށް ޓަރމިނަލް ދިނުމުގައި ކޮރަޕްޝަންގެ މައްސަލަތަކެއް އުޅޭކަމަށް ކުރެވޭ ތުހުމަތުތަކަކީ ޙަޤީޤަތެއް ކަމަށް ބެލެވޭ އެންމެ ބޮޑު އެއް ސަބަބަކީ އެކަން ކުރަންޖެހޭ އެއްވެސް ޤާނޫނީ އެއްބަސްވުމެއް ނެތުމުންނެވެ.