އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 43 ސިކުންތު
ކޮރޯނާ ވައިރަސް ހަލުވިކަމާއެކު ފެތުރެމުންދާތީ މާލެ ސަރަހައްދުގައި އިއުލާން ކޮށްފައިވާ ކާފިއުއާ ގުޅިގެން މާލޭގެ ގޭބިސީތަކުން ކުނި ނެރެން ޖެހޭ ގަޑި މާދަމާ އިން ފެށިގެން ވެމްކޯއިން އަވަސްކޮށްފިއެވެ.
މިކަމާގުޅިގެން ވެމްކޯއިން ބުނެފައިވަނީ މާދަމާ އިން ފެށިގެން މާލޭގެ ގޭބިސީތަކުން ކުނި ނެރޭނީ ރޭގަނޑު 8:30 - 9:30 އާ ދެމެދު ކަމަށާއި މިގޮތަށް ބަދަލު ގެނައީ ވެމްކޯގެ މުވައްޒަފުންނަށްވެސް ކާފިއުއަށް އަމަލުކުރުމުގެ ފުރުސަތު ފަހިކޮށްދިނުމަށާއި މުވައްޒަފުންނާއި ކަސްޓަމަރުންނާ ކޮންޓެކްޓްވުން ކުޑަ ކުރުމަށް ކަމަށެވެ.
ހުޅުމާލެއާއި ވިލިމާލޭގެ ގޭބިސީތަކުން ކުނި ނެރެން ޖެހޭނީ ކުރިންވެސް ނެރެމުން އައި ގަޑިތަކުގައި ކަމަށް ވެމްކޯއިން ވަނީ ބުނެފައެވެ.
Advertisement
3 ފެބްރުއަރީ 2021