މިރޭ މާލޭގައި ކުރިއަށްދާ އިހުތިޖާޖުގައި ބައިވެރިވި ފިރިހެނަކު ވަރަށް ބޮޑަށް ޒަޚަމް ވެއްޖެއެވެ.

އޭނާ ބުނި ގޮތުގައި އެމްޕީއެލް ސަރަޙައްދުން އިހުތިޖާޖު ރޫޅާލުމަށް ފުލުހުން ދުވުމުން، ދުލުހުންގެ އަތް ދަށުން ސަލާމަތްވާން އޭނާ އެރީ ދޯންޏަކަށެވެ.

ނަމަވެސް ފުލުހަކު އޭނާގެ ފަހަތުން ދޯންޏަށް އަރާ މުގުރުބުރިން ބޮލުގައި ޖެހި ކަމަށާއި މޫނަށް ޕެޕަރ ސްޕްރޭ ޖެހި ކަމަށް ވެސް އޭނާ ބުންޏެވެ.

އޭނާގެ ބޯފަޅައިގެން ގޮސް ލޭވެސް ފައިބާފައި ވުމުން، އިހުތިޖާޖުގެ އެހެން ބައިވެރިން ތަކެއް ވަނީ އޭނާއަށް އެހީތެރި ވެދީފައެވެ. އަދި މިހާރު އޭނާ ވަނީ ރެޑް ކްރެސެންޓްގެ އެމްބިއުލޭންސްގައި ފަރުވާއަށް ގެންދެވިފައެވެ.