ވޭސްޓް މެނޭޖްމަންޓް ކޮމްޕެނީ (ވެމްކޯ) އިން މިއަހަރުގެ ރަމަޟާންމަހު މާލޭގައި އަގުހެޔޮކޮށް ކާއްޓާއި ކުރުނބާ އަދި ގަބުޅި ވިއްކަން ފަށައިފިއެވެ.

ފިޝަރީޒް މިނިސްޓްރީ އާއި ގުޅިގެން ވެމްކޯއިިން ގެނައި 11900 ކާއްޓާއި 564 ކުރުނބާ އަދި 1247 ގަބުޅި ވިއްކާނީ އިންޑަސްޓްރިއަލް ވިލެޖްގައިވާ ވެމްކޯގެ ސައިޓުންނާއި މަސްމާރުކޭޓު ކުރިމަތިން އޮންނަ ލޯކަލް މާރުކޭޓުގެ އޭ2 އަދި އޭ3 ގޮޅިން ކަމަށް ފިޝަރީޒް މިނިސްޓްރީން ބުނެފައިވެއެވެ.

ވެމްކޯއިން ކާއްޓެއް ވިއްކުމަށް ހަމަޖެހިފައިވަނީ ފަސް ރުފިޔާއަށެވެ. އަދި ކުރުނބަލާއި ގަބުޅި ވިއްކަނީ އެއްޗެއް 12 ރުފިޔާއަށެވެ.