ވޯޓުފޮށިތައް ބެހެއްޓުމަށް ދެކޮޅުހަދާ ރިސޯޓުތަކަކީ ކޮބައިކަން ރައްޔިތުންނަށް އެނގެން އެބަޖެހޭ ކަމަށް ކެންދޫ ދާއިރާގެ މެންބަރު، ޤާނޫނީ ވަކީލް ޢަލީ ޙުސައިން ވިދާޅުވެއްޖެއެވެ.

ޢަލީ ޙުސައިން ވިދާޅުވީ ވޯޓުފޮށި ބަހައްޓަން ދެކޮޅު ހަދާ ރިސޯޓްތަކުން އެކަމަށްެ ދެކޮޅު ހަދާ ސަބަބު ލިޔުމުން އިލެކްޝަންސް ކޮމިޝަނަށް އަންގަން ޖެހޭނެ ކަމަށް ދެކެވަޑައިގަންނަވާ ކަމަށެވެ. އަދި ވިޔަފާރިތަކުގެ އިޖުތިމާޢީ ޒިންމާ ނެގުން މުހިންމު ކަމަށްވެސް ވަނީ ވިދާޅުވެފައެވެ.

އިލެކްޝަންސް ކޮމިޝަނުގެ ރައީސް ޝަރީފް މިއަދު ވިދާޅުވީ ބައެއް ރިސޯޓުތަކުން އެ ރިސޯޓުތަކުގައި ވޯޓުފޮށި ބަހައްޓަން ދެކޮޅުހަދާ ކަމަށެވެ.

ނަމަވެސް އެއީ ކޮން ރިސޯޓްތަކެއްކަން ޕްރެސްގައި ވިދާޅުވެދެއްވާފައެއް ނުވެއެވެ. ނަމަވެސް އެމައުލޫމާތު މީޑިއާތަކާ ހިއްސާ ކުރައްވާނެ ކަމަށްވެސް ވަނީ ވިދާޅުވެފައެވެ.

"ވޯޓުފޮށިތައް ބެހެއްޓުމަށް ދެކޮޅުހަދާ ރިސޯޓުތަކަކީ ކޮބައިކަން ރައްޔިތުންނަށް އެނގެން އެބަޖެހޭ. ވޯޓުފޮށި ބަހައްޓަން ދެކޮޅު ހަދާ ރިސޯޓްތަކުން އެ ދެކޮޅު ހަދާ ސަބަބު ލިޔުމުން އިލެކްޝަންސް ކޮމިޝަނަށް އަންގަން ޖެހޭނެ ކަމަށް އަޅުގަނޑު ދެކެން. ވިޔަފާރިތަކުގެ އިޖުތިމާޢީ ޒިންމާ ނެގުން މުހިންމު."

Vote foshi behettumah dhekolhu hadhaa resort thakakee kobaikan rayyithunnah engeh eba jehey. Vote foshi behettumah dhekolhu hadhaa resort thakun e dhekolhu hadhaa sababu liyumun EC ah angan jeheyne kamah alhugandu dheken. Viyafaari thakuge ijuthimaaee zinmaa negun muhinmu.

— Ali Hussain (@AleeVoice) July 22, 2018