ރާއްޖޭގެ އެންމެ ބޮޑު އެއް ސުޕަރމާރކެޓް ޗެއިން ކަމުގައިވާ "ރެޑްވޭވް" ގެ 15 ފިހާރައިގައި 01 ޖެނުއަރީ އިން ހަރޯދައިގެ ނިޔަލަށް ކުރިއަށްގެންދިޔަ "ރެޑްވޭވް ރޯދަސޭލް 2024" ޕްރޮމޯޝަން ނިމި، ޕްރޮމޯޝަންގެ ނަސީބުވެރިން މިއަދު ހޮވައިފިއެވެ. މި ލަކީޑްރޯ ކުރިއަށް ގެންގޮސްފައިވަނީ ރެޑްވޭވް މެގަމޯލް ގައެވެ. އަދި ރެޑްވޭވްގެ ފޭސްބުކް ޕޭޖުން މި އީވެންޓުވަނީ ވަގުތުން ދައްކާފަވެއެވެ. 

މިޕްރޮމޯޝަންގައި ކަސްޓަމަރުންކުރި 500ރ އިން މަތީގެ ކޮންމެ ވިޔަފާރިއަކަށް ކޫޕަނެއްވަނީ ދޫކޮށްފައެވެ. ރޯދަސޭލް ތެރޭ ރެޑްވޭވް ފޭސްބުކް އަދި އިންސްޓަރ ގްރާމްގައި ކުރިޔަށްގެންދިޔަ "ޝެއަރ އެންޑް ވިން" ޕޮރޮމޯޝަނުން 50އިންޗީގެ ޓީވީ ލިބިގެންދިޔަ ނަސީބުވެރިޔާވެސް މިއަދު ވަނީ ހޮވާފައެވެ. މިއިނާމް ލިބިފައިވަނީ "އައިން ނިޔާ" (Ayin Niya) އަށެވެ. 

މީގެ އިތުރުން އެތައްހާސް ކޫޕަންގެ ތެރެއިން ރެޑްވޭވްގެ ބްރޭންޑްތަކުން 5 އިނާމް ހައްޤުވާ 5 ފަރާތެއްވަނީ ހޮވާފައެވެ. އަދި ދިހަހާސް ރުފިޔާގެ ފައިސާގެ އިނާމް ހައްޤުވާ 10 ފަރާތެއްވެސްވަނީ ހޮވާފައެވެ. އަދި މުބާރާތުގެ އެންމެ އަގުބޮޑު އިނާމް؛ 100،000ރ ގެ ފައިސާގެ އިނާމް ލިބޭ ނަސީބުވެރި ފަރާތްވެސް ވަނީ މިއަދު ބޭއްވުނު ރަސްމިއްޔާތުގައި ހޮވާފައެވެ. ރޯދަ ސޭލްގެ އެންމެބޮޑު އިނާމް ގެ ނަސީބުވެރިޔަކަށް ވެގެންދިޔައީ، މަރިޔަމްފުޅު (ކޫޕަން ނަމްބަރ: 0067138) އެވެ. 

ރެޑްވޭވްއިން މައުލޫމާތު ދެއްވާގޮތުގައި މިއަހަރުގެވެސް ރެޑްވޭވް ރޯދަސޭލް ވެގެންދިޔައީ ވަރަށް ކާމިޔާބު އަދި ކަސްޓަމަރުންގެ ފުރިހަމަ ތަރުޚީބު ލިބިގެންދިޔަ ޕްރޮމޯޝަނަކަށެވެ.

ރެޑްވޭވް ރޯދަސޭލް 2024ގެ ނަސީބުވެރިން