ރާއްޖޭގައި ފުރަތަމަ ފަހަރަށް ބާއްވާ ޙައްޖާއި ޢުމްރާއާ ބެހޭ ކޮންފަރެންސް މިމަހު 31 ގައި ބާއްވަން އިސްލާމިކް މިނިސްޓްރީން ނިންމަވައިފިއެވެ. އިން ޝާ ﷲ. 

އިސްލާމީ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވީ ޚިދުމަތް ދޭ ފަރާތްތަކަށް އަމާޒުކޮށްގެން ބާއްވާ މި ކޮންފަރެންސް މަޤުޞަދަކީ ހައްޖާއި އުމްރާއަށް ގެންދިއުމުގެ ނިޒާމު ހަރުދަނާކުރުން ކަމަށެވެ. 

ޢުމްރާއަށް މީހުން ގެންދާ ބައެއް ޖަމާޢަތްތަކުން މީހުން ގެންދިއުމަށްފަހު ކުރަމުން ގެންދާ އިންސާނިއްޔަތާއިވެސް ޚިލާފް ކަންކަން ހުއްޓުވުމަށް މިފަދަ ކޮންފަރެންސެއްގެ ސަބަބުން މަގުފަހިވެގެންދާނެކަމަށް ބެލެވެއެވެ.