"އަމިއްލައަށް މަރުވުމަކީ އިސްލާމް ދީނުގައި ކަނޑައަޅުއްވަވާފައިވާ ފާފގަތަކުގެ ތެރެއިން އެންމެ ބޮޑު އެއް ފާފައެވެ!. ނަމަވެސް އެއީ ކުފުރު މަރެއް ނޫނެވެ. ކިތަންމެ ހާލަތު ގޯސްވި ނަމަވެސް އެއްވެސް މީހަކު މިފަދަ ކަމަކަށް ފައި ނުނަގާށެވެ! ދަތި އުނދަގޫ ހާލަތުން ނެރެދެއްވަވާނެ ފަރާތެއް ވެއެވެ. އެފަރާތަށް ދުޢާކުރެއްވުން އިތުރު ކުރައްވާށެވެ!" -ޝައިޚް ޢަލީ ޒައިދު 

"އޭ އީމާންވެއްޖެ މީސްތަކުންނޭވެ! ބާޠިލު ގޮތުގައި ތިޔަބައިމީހުންގެ މުދާތައް ތިއަބައިމީހުންގެ މެދުގައި ނުކާށެވެ! އެހެނެއްކަމަކު، ތިއަބައިމީހުންގެ ތެރެއިން ދެފަރާތުގެ ރުހުމުގެ މައްޗަށް އޮންނަ ވިޔަފާރިއަކަށްވުން މެނުވީއެވެ. އަދި، ތިއަބައިމީހުންގެ އަމިއްލަ ނަފްސް ތައް ތިޔަބައިމީހުން ޤަތުލްނުކުރާށެވެ! ހަމަކަށަވަރުން، ތިއަބައިމީހުންގެ މައްޗަށް ރަޙީމް ވަންތަ ރަސްކަލާނގެ ކަމުގައި ﷲ ވޮޑިގެންވެއެވެ." (ނިސާ: 29)