އެންމެފަސް (current) ޚަބަރު ރިޕޯޓް ދީން ކުޅިވަރު ދުނިޔޭގެ ޙަބަރު ދުނިޔޭގެ ކުޅިވަރު މުނިފޫހިފިލުވުން ފޮޓޯ ގެލެރީ އިޢުލާން ސާރޗް

ގޭތެރޭގެ ކަންތައްތައްކޮށް، ދަރީން ގެންގުޅޭ އަންހެނުން ނަމާދު ވަޤުތަށް ނޭރުމުން ފާފަވެރިވާނެތޯ؟- ޝައިޚް ޝާފިޢުގެ ޖަވާބު

ގޭތެރޭގެ ކަންތައްތައްކޮށް، ދަރީން ގެންގުޅޭ އަންހެނުން ނަމާދު ވަޤުތަށް ނޭރުމުން ފާފަވެރިވާނެތޯ؟- ޝައިޚް ޝާފިޢުގެ ޖަވާބު


އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 34 ސިކުންތު

ސުވާލު: އަންހެނުން ގޭތެރޭގެ ކަންތައްތައް ކުރުމާއި އަދި ދަރީން ގެންގުޅޭ މީހުން ނަމާދު ވަޤުތަށް ނޭރުމުން ފާފަވެރިވާނެތޯ؟ --

ޖަވާބު: ނަމާދަކީ އޭގެ ވަޤުތުގައި އަދާކުރަންޖެހޭ އަޅުކަމެކެވެ.

إِنَّ الصَّلاَةَ كَانَتْ عَلَى الْـمُؤْمِنِينَ كِتَابًا مَّوْقُوتًا- النساء 103

މާނައީ: "ހަމަކަށަވަރުން ނަމާދަކީ މުއުމިނު އަޅުތަކުންގެ މައްޗަށް ވަޤުތު ކަނޑައެޅިގެންވާ ފަރުޟެއްކަމުގައި ވިޔެވެ." (އައްނިސާ: 103)

ނަމާދު އެޅުމަށް އެއްވެސް ޢުޛުރެއް ނޯވެއެވެ. ނަމާދު ވަޤުތުން ފާއިދުވެދާނެ އޮންނަނީ މަޤްބޫލު ދެ ޢުޛުރެކެވެ.

1- ނިދުމާއި

2- ހަނދާން ނެތުމެވެ.

ނަމާދު އޭގެން ވަޤުތުން ފަސްވުމަށް މި ދެ ޢުޛުރު ފިޔަވައި އެހެން ޢުޛުރެއް ނުވާއިރު، ގޭތެރޭގެ ކަންތައްތަކާއި ދަރީންގެ ކަންކަން ތަރުތީބު ކުރުމުގައި އަބަދުވެސް ނަމާދަށް އެންމެ އިސްކަން ދިނުމުގެ ސިޔާސަތެއް ގެންގުޅެން ޖެހެއެވެ.

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّـهِ ۚ وَمَن يَفْعَلْ ذَٰلِكَ فَأُولَـٰئِكَ هُمُ الْخَاسِرُونَ – المنافقون 9

"އޭ އީމާން ވެއްޖެ މީސްތަކުންނޭވެ. ތިޔަބައިމީހުންގެ މުދާތަކާއި، ތިޔަބައިމީހުންގެ ދަރިންތައް، ﷲ ހަނދުމަކުރުމުން ތިޔަބައިމީހުން މަޝްޣޫލު ދުރުކުރިޔަ ނުދޭހުށިކަމެވެ. އަދި އެކަންތައްކުރާ މީހާ (ދަންނާށެވެ.) ފަހެ، ގެއްލެނިވެގެންވާ މީހުންނީ، ހަމަ އެއުރެންނެވެ." (އަލްމުނާފިޤޫން: 9)

އެހެންކަމުން ގޭތެރޭގެ ކަންތައްތަކާއި ދަރީންގެ ކަންކަމުގައި މަޝްޣޫލުވާމީހުން، ދަރީން ގޮވައިގެން ނަމަވެސް، ދަރިފުޅު އުރައިގެން ނަމަވެސް، ނުވަތަ އެހެން މީހަކާ ދަރިފުޅު ޙަވާލުކޮށްގެން ނަމަވެސް، އެ ދަރީން ދެއްވި ﷲ އަށް އަދާކުރަން ޖެހޭ ޙައްޤު އެ ކަނޑައަޅުއްވާފައިވާ ވަޤުތުގައި އަދާކުރަން ޖެހޭނެއެވެ. އެހެން ނޫނީ ފާފަވެރިވާނެއެވެ. ވަﷲ އަޢުލަމު.

--الشيخ محمد شافع

#SheikhShafiuQA

އާރޓިކަލް ރޭޓްކުރައްވާ


21%
ވ.ރަނގަޅު
16%
ރަނގަޅު
24%
އޯކޭ
37%
ކަމަކުނުދޭ

Advertisement

ކޮމެންޓް ކުރެއްވުމަށް








އަބްދުއްލަތީފް