އާރޓިކަލްކިޔުމަށް ހޭދަވާނެކަމަށް ބެލެވެނީ : 2 މިނެޓް, 11 ސިކުންތު
ރާއްޖެއިން ހިމަބިހި ނުފެންނަތާ 4 ވަރަކަށް އަހަރަށްފަހު ބަލިޖެހި ޕޮޒިޓިވްވެފައިވަނީ އެހެން ވެކްސިންތައް ދީފައިވާ ކުއްޖަކަށް ކަމަށާއި އެ ކުއްޖާއަށް ނުޖެހި ވަނީ ހަމައެކަނި މީސްލްސްއަށް ޖަހާ ވެކްސިންކަމަށް މިއަދުނޫހަށް މައުލޫމާތު ލިބިއްޖެއެވެ.
ހެލްތް މިނިސްޓްރީގެ އޮފިޝަލަކު ވިދާޅުވީ އެ ކުއްޖާއަށް ނުދެވި ވަނީ ހަމައެކަނި މީސްލްސްގެ 2 ޑޯޒް ކަމަށެވެ.
މިއަދުނޫހުން އެކަން ކަށަވަރުކުރީ ބައެއް ބެލެނިވެރިން ވެކްސިން ދޭން ދެކޮޅުހަދާ ކަމުގެ މައްސަލަތަކެއް ފެންމަތިވެފައިވާތީ މިއީވެސް އެފަދަ ބެލެނިވެރިއެއްގެ ދަރިއެއްކަން ބެލުމަށެވެ.
އެޗްޕީއޭ އިން މިއަދު ބުނެފައިވަނީ ހިމަބިހި ޖެހިފައިވަނީ އުމުރުން 3 އަހަރުގެ ކުޑަކުއްޖަކަށް ކަމަށެވެ.
އެ ކުއްޖާއަށް ފަރުވާ ދިނުމަށްފަހު މިހާރު އައިޖީއެމްއެޗުން ދޫކޮށްލާފައިވާ ކަމަށާއި ދޫކޮށްލީ އެ ކުއްޖާގެ ގައިން އެހެން މީހެއްގެ ގައަށް ނާރާނެކަން ކަށަވަރުވުމުން ކަމަށް އައިޖީއެމްއެޗާއި ހަވާލާދީ ބައެއް ނޫސްތަކުގައި ބުނެފައިވެއެވެ.
Advertisement
11 ޖެނުއަރީ 2020