"މީގެކުރިން އަޅުގަނޑުމެންގެ ތެރެއިން ބައެއް މީހުންނަކީ ވަރަށް އިސްރާފުކުރާ ބައެކެވެ. ނުކެވޭވަރަށް ކައްކައި އުކާލައެވެ. ނަމަވެސް މިއަދު ހާލަތުބަދަލުވެ ހަނޑޫ ހަކުރު ފުށް ރަނަށް ވެއްޖެއެވެ! ދެންވެސް އެއްވެސްވަރަކަށް އިސްރާފް ނުކުރާށެވެ! ވ. އިޤްތިޞާދު ކޮށްގެން ކައްކާށެވެ! އަދި ކާށެވެ!"

- ޝައިޚް ޢަލީ ޒައިދު 

ޝައިޚް ޢަލީ ޒައިދުގެ މި އިލްތިމާސަކީ މިއަދުގެ ޙާލަތަށް ވަރަށް މުހިންމު އިލްތިމާސް އެކެވެ. ކެއްކުނު މިންވަރުކުޑަތަންކޮޅެއް މަދުވި ނަމަވެސް ފުއްދައިލެވިދާނެއެވެ. ރޯދައަށްވެސް ތިބެނީއެވެ. ކެތްތެރިވެލާށެވެ! އިސްރާފް ނުކުރާށެވެ! 

ޙަދީޘްފުޅުގައި ކާން އޮތީވެސް ގޮހޮރުގެ ތިންބައިކުޅަ އެއްބައަށެވެ. އަނެއް ތިންބައިކުޅަ އެއްބައަށް އޮތީ ފެން ބުއިމެވެ. އަނެއްބައި އޮތީ ނޭވާލުމަށްޓަކައި ހުހަށް ބޭއްވުމެވެ. މި ޙަދީޘްފުޅުގައި މިވަނީ ހަށިގަނޑަށް އެންމެ ފައިދާހުރި ގޮތްކަމަށް މިއަދުގެ ޑޮކްޓަރުންވެސް ޢަބޫލުކުރެއެވެ. އެގޮތަށް ޢަމަލުކުރަން އިރުޝާދުވެސް ދެއެވެ.