މާދަމާ ހެނދުނު ހަޔަކުން ފެށިގެން ވިޔަފާރި ކުރުމަށް ފިހާރަތައް ހުޅުވުމުގެ ހުއްދަ އިކޮނޮމިކް މިނިސްޓްރީ އިން ދީފިއެެވެ.

މިކަމާއި ގުޅިގެން އިކޮނޮމިކް މިނިސްޓްރީ އިން ކުރި އިއުލާނެއްގައި ބުނެފައިވަނީ އާންމު ސިއްހަތު ރައްކާތެރިކުރުމުގެ ގާނޫނުގެ ދަށުން އާންމު ހިއްސަތުގެ ކުއްލި ނުރައްކަލުގެ ހާލަތު އިއުލާނުކޮށްފައިވާ މުއްދަތުގައި، ފިހާރަތައް ހުޅުވާފައި ބެހެއްޓޭނެ ގަޑިއަށް މާދަމާއިން ފެށިގެން ބަދަލު ގެނެސްފައިވާ ކަމަށާއި މާދަމާއިން ފެށިގެން، މާލެ ސަރަހައްދުގައި ފިހާރަ ފަދަ ތަންތަން ކަސްޓަމަރުންނަށް ހުޅުވާލައިގެން ހިދުމަތް ދެވޭނެ ގަޑިއަކީ، ހެނދުނު 6:00 އިން ރޭގަނޑު 9:30 އަށް ކަމަށެވެ.

ކޮވިޑް19 އާއި ގުޅިގެން މީގެެ ކުރިން އޮތީ ފިހާރަތައް ހުޅުވަން އިކޮނޮމިކް މިނިސްޓްރީ އިން ހުއްދަ ދީފައިވަނީ ހެނދުނު 9:30 އިން ރޭގަނޑު 9:30 އަށެވެ.