އުތުރު އިރާޤުގައި ހުރި އެމެރިކާ ސިފައިން ތިބޭ ވައިގެ މަރުކަޒަކަށާއި ބަޣްދާދުގައި ހުންނަ އެމެރިކާ އެމްބަސީއަށް އަމާޒުކޮށް އެއް ވަގުތެއްގައި 5 ރޮކެޓް ހަމަލާ ދީފިއެވެ. މީގެ ތެރެއިން 3 ހަމަލާ ދީފައިވަނީ ވައިގެ މަރުކަޒަށެވެ. އެމްބަސީއަށް އަމާޒުކޮށް ދީފައިވަނީ 2 ހަމަލާއެވެ.  

ހަމަލާތަކާއި ބެހޭ އިތުރު ތަފްޞީލުތަކެއް އަދި ނުލިބެއެވެ. ނަމަވެސް އިރާޤުގެ ގްރީން ޒޯނަށް 2 ހަމަލާ އަރާފައިވާކަން މިހާރުވަނީ ޔަޤީންކުރެވިފައެވެ. 

މީގެ 6 ގަޑިއިރުކުރިން އިރާނުގެ އަސްކަރީ އޮފިޝަލަކު ވަނީ "އިޒްރޭލް އޮތީ އަތްފޯރާފަށުގައި" ކަމަށް ވެސް ބުނެފައެވެ.